रोशीमा १ दिने निःशुल्क आँखा शिविर सम्पन्न, ३६ जना मोतिविन्दु रोगीको खुल्ने भयो आँखा

रोशीमा “स्वस्थ आँखा, स्वच्छ संसार” भन्ने मूल नाराका साथ संचालन भएको १ दिने आँखाको निःशुल्क शिविर सम्पन्न भएको छ । आज रोशी गाउँपालिकाको आयोजना तथा रेयुकाई एईको मासुनागा आँखा अस्पतालको प्राविधिक सहयोगमा १ दिने आँखाको निःशुल्क शिविर सम्पन्न भएको हो । रोशी ७ कटुन्जेको रोशी माध्यमिक विद्यालयमा भएको निःशुल्क आँखा शिविरमा ३६ जना मोतिबिन्दु रोगीको पहिचान भएको छ । शिविरमा जम्मा २५० जनाले आँखा जाँच गरिएको मा ३६ जना मोतिविन्दुको रोगीको पहिचान भएको स्वास्थ्यकर्मी मुना बस्नेतले जानकारी दिनुभयो । उक्त ३६ जनालाई भोली नै खाना,वास र यातायातको सुविधा सहित निःशुल्क आँखाको शल्यक्रियाको निम्ति रेयुकाई एईको मासुनागा अस्पताल बनेपामा लैजाने तैयारी भएको छ ।
शिविरमा गाउँपालिका अध्यक्ष दिनेश लामा, वडा अध्यक्ष अशोक गौतम , स्वास्थ्यकर्मीहरुको टोली लगायतको उपस्थित रहेको स्वास्थ्यकर्मी मुना बस्नेतले जानकारी दिनुभयो ।