रोशी सहकर्मी–साउन २५,
२०७७,काभ्रे/

काभ्रेपलाञ्चोक जिल्लाको मण्डनदेउपुर नगरपालिका वडा न ५ र ६ का करिब ३० घर बाढी र पहिरोको उच्च जोखिममा परेका छन । गत बुधबार राती परेको भिषण पानीका कारण आएको बाढी र पहिरोका कारण घर उच्च जोखिममा परेको नगरपालिकाले जनाएका छ ।

मण्डनदेउपुर नगरपालिका कार्यपालिका प्रवक्ता एवम् वडा न ६ का वडा अध्यक्ष डिल्लीप्रसाद आचार्यले करिब ३० घर बाढी पहिरोको जोखिममा परेको र तीन घर पहिरोले पुरिएको बताउनुभयो । उहाँका अनुसार दुम्रडाँडाका राजकुमार चौँलागाईको घर गोठ नै बगाउँदा एउटा गाई र पाँच वटा बाख्रा बगाएको छ । त्यसैगरी भागेटारका राजकुमार विक र सिपाघाट महाकाँलका सोमप्रसाद ढकालको पहिरोले घर पुरिएको छ । वडा न ५ खाटीचौरीका १४ घर पहिरोको उच्च जोखिममा परेपछि छिमेकीकोमा आश्रय लिन पुगेका छन ।
घरको दायाँबायाँ बाटै पहिरो आएको र सडक पूरै बगाएपछि स्काभेटर लगेर गाईभैँसी सार्ने लागिएको प्रवक्ता आचार्यले जानकारी दिनुभयो । उहाँले स्थानीयलाई जोखिमबाट स्तान्तरण गरिएको बताउनुभयो ।

त्यस्तै वडा न ६ को सिपाघाट महाकाँलकाका १०/१२ घर जोखिममा परेको आचार्यले जानकारी दिनुभयो । घर माथिको डाँडामा चिराचिरा परेको छ भने घरको दायाँबायाँ पहिरो गएको छ । स्थानीयहरुले छिटो स्थान्तरणका लागि माग गरेका छन ।

ढाड्खोलामा आएको बाढीका कारण सिपाघाट बजारको खानेपानी पाइप नै बगाएपछि खानेपानीको अभाव भएको स्थानीयको भनाई छ । बाढीले सिँचाई कुलो बगाएको छ भने खेतबारी कटान गरेर लगेको छ ।

सांसदको स्थलगत अवलोकन:

बागमती प्रदेश सभाका सांसदद्धय बसुन्धरा हुमागाई र लक्ष्मण ढकालले मण्डनदेउपुर नगरपालिका बाढी पहिरो प्रभावित क्षेत्रको स्थलगत अवलोकन गर्नुभएको छ । शुक्रबार नगरप्रमुख टोकबहादुर वाइवा, नेपाली सेना, ससस्त्र प्रहरी लगायत जनप्रतिनिधसहितको टोलीले प्रभावित क्षेत्रमा पुगेर स्थलगत अवलोकन गरेको थियो । सो अवसरका स्थानीयहरुले भूगर्भ विद ल्याएर परिक्षण गर्न र सुरक्षित स्थानमा स्तान्तरणको माग गरेका थिए ।

टोलीले वडा न ५ र ६ मा बाढी र पहिरोले पारेको असरको अवलोन गरेको थियो । नगरप्रमुख टोकबहादुर वाइवाले राहत, सुरक्षित बस्ती स्तान्तरण, भूगर्भ विद् ल्याउने लगायको काम तत्काल नगरले गर्ने प्रतिबद्धता जनाउनुभएको थियो ।

Facebook Comments Box