काभ्रे,
मसिंर अन्तिम साता विशेषज्ञहरुको अन्र्तराष्ट्रिय सम्मेलन आयोजना गरेको बनेपाको रेयुकाई मासुनागा आँखा अस्पतालमा आँखाको नानी प्रत्यारोपण शुरु भएको छ । उपत्यकासँग जोडिएको काभ्रे जिल्लाको बनेपा नगरपालिकामा रहेको रेयुकाई मासुनागा आँखा अस्पतालले आँखा सम्वन्धि हरेक खालका उपचार शुरु गरेको छ ।
काभ्रेपलाञ्चोक लगायत विभिन्न जिल्ला र प्रदेश नम्वर २ बाट समेत सेवा दिएको अस्पतालमा नानी प्रत्यारोपण शुरु गरिएको डा. लिसा श्रेष्ठ जोशीले बताउनुभयो ।
नेपालका केहि अस्पतालमा आँखाको नानी प्रत्यारोपण हुन्छ । उपत्यकासँग जोडिएको काभ्रेको बनेपामा रहेको रेयुकाई मासुनागा आँखा अस्पतालमा नानी प्रत्यारोपण शुरु भएको हो ।
गुणस्तरीय सेवा प्रदान गरिरहेको अस्पतालमा हिजो (शनिबार) राष्ट्रिय प्रजातन्त्र पार्टीका अध्यक्ष राजेन्द्र लिंदेन र सोहि पार्टीका नेता ज्ञानेन्द्रबहादुर शाहिले समेत सेवा लिएका छन् ।
अस्पतालले प्रदान गरेको सेवा सन्तोषजनक रहेको उनिहरुले प्रतिक्रिया दिएका छन् ।
यस अघि उक्त अस्पतालमा विभिन्न दलका नेताहरु, उच्च पदस्थ कर्मचारीहरु तथा विभिन्न क्षेत्रका ब्यक्तिहरुले सेवा लिईसकेको अस्पतालका महासचिव एवं प्रशासकीय प्रमुख हिरामणी शर्माले बताउनुभयो ।
