काभ्रे,
काभ्रेभञ्ज्याङबाट ट्राफिक प्रहरीले चेकिङको क्रममा सत्ताईस लाख रुपैया बराबरको ४०१ बोरा अवैध प्याज बरामद गरेको छ । आज अ.प्र.पोष्ट काभ्रेभञ्ज्याङबाट ट्राफिक प्रहरी सहितको संयुक्त चेकिङको क्रममा धुलिखेल ९ काभ्रेभञ्ज्याङ चेकपोष्ट बाट पुरानो बिल सहित अवैध रुपमा ल्याइएको ४ वटा टाटा योद्धा गाडी र ३ वटा बलेरो गाडीमा अन्दाजी ४०१ थान बोरा प्याज बरामद गरेको हो । प्रति बोरा ४० किलो को दरले लगभग १६,०४० किलो प्याज बरामद गरीएको छ । हालको बजार मुल्य अनुसार प्रतिकिलो १७० रुपैयाको दरले झन्डै सत्ताईस लाख छब्बिस हजार आठ सय रुपैया रहेको छ । आवश्यक कार्वाहिको लागि गाडी सहित राजस्व अनुसन्धान बिभाग हरिहर भवन ललितपुर पठाइएको छ ।
अवैध प्याज बरामद भएका सवारी साधनहरु ः–
१. ना ५ च २३६१ नं.को बोलेरो गाडि ( प्रति बोरा ४० किलोग्रामको ६० बोरा )
२. म.प्र. ०२–००१ च. १०९० नं.को बोलेरो गाडि( प्रति बोरा ४० किलोग्रामको ५५ बोरा)
३. ज. १ च. १६६७ नं.को बोलेरो गाडि( प्रति बोरा ४० किलोग्रामको ६० बोरा)
४. प्र.१–०१–००१ च. ८५५९ नं.को योद्धा गाडि( प्रति बोरा ४० किलोग्रामको ६२ बोरा)
५. प्र.२–०४–००१ च. २५२३ नं.को योद्धा गाडि( प्रति बोरा ४० किलोग्रामको ५० बोरा)
६. प्र. २–०४–००१ च. ००३८ नं.को योद्धा गाडि( प्रति बोरा ४० किलोग्रामको ५७ बोरा)
७.प्र. २–०४–००१ च ००८९ नं.को योद्धा गाडि( प्रति बोरा ४० किलोग्रामको ५७ बोरा)
