काभ्रे,देबराज उप्रेती,
काभ्रे जिल्लाको रोशी गाउँपालिकामा बिग्रिएका सडक मर्मत एवं सरसफाईका कार्यहरु धमाधम भईरहेको छ । नेपालीहरुको महान पर्व दशैै तिहारमा सहज रुपमा यात्राका लागी सडकमा थुप्रिएका माटो हटाउने एवं सडक मर्मतको कार्य अघि बढाएको हो । गाउँपालिकाको विपद व्यवस्थापन कोषबाट गाउँपालिकाभित्रका १ देखि १२ सम्मका प्रत्येक वडालाई सडक सरसफाईका लागि ४ लाखका दरले बजेट विनियोजन गरिएको छ । हालका दिनहरुमा बर्खाको समयमा सडकमा बगाएर ल्याएका माटोहरु निकाल्ने , जटिल सडकहरुमा ग्राभेल हाल्ने कार्य भईरहेको गाउँपालिकाका योजना शाखा प्रमुख राम लामाले जानकारी दिनुभएको छ ।
कतिपय वडाहरुमा यस अघिपनि पटक पटक सडक सरसफाईका कार्यहरु हुदै आएको सम्बन्धित वडा अध्यक्षहरु बताउदछन् । गाउँपालिकाबाट सडक मर्मतका लागि छुट्याईएको रकम अपुग भएको कारण वडाबाट नै थप ६ लाख रुपैया रकम थप गरि सडक सरसफाई तथा जटिल सडकहरुमा ग्राभेल हाल्ने कार्य भईरहेको वडा नं ६ का वडाध्यक्ष नारायण बहादुर सिवाकोटिले बताउनुभएको छ ।
