काभ्रे,
नमोबुद्ध–७ भकुण्डेबेँशी स्थित श्री नव प्रतिभा अङ्ग्रेजी माध्यमिक विद्यालयले सहिद दिवसको अवसरमा सहिदहरुको सम्मान र सम्झनामा वक्तृत्वकला प्रतियोगिताको आयोजना गरेको छ । सहिदहरुको योगदान शीर्षकमा वक्तृत्वकला प्रतियोगिताको आयोजना गरिएको थियो । विद्यालय प्राङ्गणमा भएको कार्यक्रम दीप प्रज्वलन गरेर शुभारम्भ गरिएको थियो भने सहिदहरुको फोटोमा माल्यार्पण गरिएको थियो ।
प्रतियोगितामा कक्षा ९ मा अध्ययनरत छात्रा रेजिना मैनाली प्रथम, कक्षा ७ मा अध्ययनरत छात्रा वर्षा तिमल्सिना द्धितीय र कक्षा ७ कै छात्रा रिकेशा उप्रेतीले तृतीय स्थान हाँसिल गरेका छन् । विद्यालयका प्रवन्ध निर्देशक रीता सिग्देलको सभापतित्वमा सम्पन्न कार्यक्रम विद्यालयका शिक्षक मोहन खड्काले सञ्चालन गर्नुभएको थियो ।
