काभ्रे,
नमोबुद्ध नगरपालिकामा प्रथम वान भर्सेज वान फुल कन्ट्राक्ट कराते प्रतियोगिता सम्पन्न भएको छ ।हिजो शनिबार नरेफाट सेवा समाजका अध्यक्ष सार्किमान लामाको प्रमुख आतिथ्यतामा नमोबुद्ध नगरपालिका वडा नं ४ को कभर्ट हलमा प्रतियोगिता सञ्चालन भएको हो ।
विश्व स्वतन्त्रत क्योकुशिन संगठन नेपालको आयोजनामा प्रतियोगिता आयोजना भएको हो । प्रतियोगितामा यहि शाखाका खेलाडिहरु, काठमाडौं र ललितपुर जिल्लाका गरि ७४ जना खेलाडीहरुले प्रतिस्पर्धा गरेका थिए ।कार्यक्रममा खेलाडीहरुलाई मेडल र प्रमाणपत्र समेत वितरण गरेको थियो।
कार्यक्रममा बोल्नुहुदै समाजका अध्यक्ष एवं प्रमुख अतिथि लामाले खेलले विभिन्न विकास गर्ने र शारीरिक चेतनाको विकास गर्न खेल आवश्यक रहेको बताउदै खेलले राष्ट्रिय तथा अन्तर्राष्ट्रिय क्षेत्रमा चिनाउन खेलले सहयोग गर्ने बताउनुभयो ।
कार्यक्रमको सभापति तथा विश्व स्वतन्त्र क्योकुशिन संगठन नेपालको अध्यक्ष एवं शाखा प्रमुख शिहान दिल दोर्जे लामाले २०७२ सालमा स्थापना भएको डोजोले ३२ जना Black Belt हुन सफल भएको र अब क्योकुशिन कराते अन्तर्राष्ट्रिय क्षेत्रमा हुने जानकारी दिनुहुदै खेल गलत प्रयोजनको लागि नभइ आफ्नो सुरक्षाको लागि महत्त्वपूर्ण रहेको बताउनु भयो । अबको ३ महिनापछि यही क्षेत्रमा प्रोफेसन गेम हुने समेत उहाले जानकारी दिनुभयो ।
कार्यक्रमका अतिथि एवं खेलकुद विकास केन्द्रका अध्यक्ष कान्छमान तामाङले खेलमा खेलाडीले अनुशासन र इमानदारी भएर खेल्नुपर्ने बताउदै खेल क्षेत्रको विकासमा सबैले सहयोग गर्नुपर्ने बताउनुभयो ।
कार्यक्रमका अतिथि नमोबुद्ध चेम्बर अफ कमर्सका अध्यक्ष विदुर वर्तौलाले खेलमा लगनशीलता,धैर्यता,र अनुशासन र धृष्ट संकल्पले खेलमा सफल हुने र खेलमा भएको हारजित स्विकार गर्न सक्नुपर्ने बताउनुभयो ।
कार्यक्रममा खेलकुद विकास केन्द्रका अध्यक्ष कान्छामान तामाङ,नमोबुद्भ चेम्बर अफ कर्मसका अध्यक्ष विदुर वर्तौला,तामाङ पत्रकार संघ काभ्रेका जिल्ला सचिव अशोक बुद्ध लामा पुर्व खेलाडी तथा शिक्षक विष्णु न्यौपाने, प्रहरी मेडिकल टिम लगायत दर्शकहरुको उपस्थिति रहेको थियोे । कार्यक्रम भने विश्व स्वतन्त्र क्योकुशिन संगठन नेपालका सचिव सिर्जना तामाङले सन्चानन गर्नुभएको थियो ।
