काभ्रे,
काभ्रे जिल्लाको धुलिखेल नगरपालिका वडा नम्बर ७ स्थित सन्जिवनी चोकमा विद्युत पोलमा काम गरिरहेका एक मजदुरको करेन्ट लागेर मृत्यु भएको छ । पोलमा काम गरिरहेका सर्लाही लालबन्दी नगरपालिकाका २८ वर्षीय उज्वल नेपालीको मृत्यु भएको हो । ११ केभिए हाइटेन्सन लाइनमा विद्युत पोलमा चढी काम गरिहेका परियारलाई एक्कासी करेन्ट लाग्दा उनी पोलमा नै झुण्डिएको अवस्थामा फेला परेको प्राधिकरणले जनाएको छ ।
तार जोड्न पोलमा चढेका परियारको विद्युत प्राधिकरणले सूचनाविनै लाइन छाड्दा करेन्ट लागेर मृत्यु भएको आरोप छ । शुक्रबार मात्रै विद्युत प्राधिकरण काभ्रे वितरण केन्द्रले सूचना जारी गर्दै त्यस क्षेत्रमा ११ केभी लाइन चार्ज गरिने जनाएको थियो । त्यसैले सावधानी अपनाउन भनेको थियो । मृतक उज्वलको शवलाई पोलबाट निकालेर पोस्टमार्टमको लागि धुलिखेल अस्पताल पठाईएको छ ।
