काभ्रे,
रोशी गाउँपालिका भित्रका उद्योगी व्यवसायीहरुको लागि प्रशिक्षण तथा अभिमुखिकरण गराईएको छ । रोशी उद्योग वाणिज्य संघको आयोजना तथा गाउँपालिकाको सहयोगमा प्रशिक्षण तथा अभिमुखिकरण गराईएको हो । “क्षमताको बिकास, आर्थिक निकासका लागि उद्योग” भन्ने नाराका साथ बिहिबार रोशी गाउँपालिकाका अध्यक्ष दिनेश लामाको प्रमुख आतिथ्यतामा तालिम दिईएकोे हो ।
कार्यक्रमकोे शुभारम्भ गर्नुहुर्दैै प्रमुख अतिथि गाउँपालिका अध्यक्ष दिनेस लामाले रोशी उद्योग वाणिज्य संघले स्थापनाको छोटो समयमा धेरै राम्रो काम गर्दै आएकोमा प्रसङ्शा गर्नुहुदै संघले आफ्नो व्यवसायीहरुलाई अफ्ठेरो परेको वेलामा सहयोग गर्नको लागि राहत कोष स्थापना गर्नुपर्ने बताउनुभयो । उद्योगी व्यवसायीहरुले उत्पादन गरेको उत्पादनहरुलाइ संघको सहकार्यमा बजारीकरण गर्न गाउँपालिकाले सहयोग गर्ने उहाँले बताउनुभयो ।
त्यसैगरि रोशी गाउँपालिका ३ का वडाध्यक्ष धनजीत लामाले सरकारको सहयोगविना उद्योग सञ्चालन हुन नसक्ने बताउनुहुदै नीजि क्षेत्रको लगानी विना सरकारले मात्र केही गर्न नसकिने बताउनुभयो । रोशी गाउँपालिका वडा नं. २ का वडाध्यक्ष हस्तमान लामाले रोशी उद्योग वाणिज्य संघले वर्तमान समयमा सहि समयमा सहि तालिमको आयोजना गरेको बताउनुभयो ।
लक्ष्मीनारायण माध्यमिक विद्यालय व्यवस्थापन समितिका अध्यक्ष तथा समाजसेवी चन्द्रबहादुर लामाले रोशीका नागरिकलाई उद्योगसग जोड्ने काम रोशी उद्योग वाणिज्य संघले गर्नुपर्ने बताउनुभयो ।
तालिमको औचित्य बारे प्रष्ट पार्नुहुदैै रोशी उद्योग वाणिज्य संघका अध्यक्ष गणजित वल ( मनिष) ले रोशीका उद्योगीहरु एकजुट हुनको लागि तालिमको आयोजना गरेको बताउनुभयो । तालिमको लागि आर्थिक सहयोग गर्ने गाउँपालिका लगायत सबैलाइ उहाँले धन्यवाद व्यक्त गर्नुभएको छ । रोशी गाउँपालिकाको वडा न १ देखि १२ सम्मै तालिम सञ्चालन गर्ने उहाँको भनाइ छ । आइ एस ओ मान्यता प्राप्त जयदुर्गा बुढाथोकी प्रशिक्षण दिनुभएको थियो ।
कार्यक्रमकै अवसरमा “खाद्य स्वच्छतामा लगानी बढाऔ, अप्रत्याशित अवस्थाको पूर्वतयारी गरौं” भन्ने नाराका साथ स्ट्रीटफुडको खाद्य स्वच्छता, रङको प्रयोग, खाद्य पदार्थको सिधा सम्पर्कमा आउने कागजको प्रयोग सम्बन्धि सचेतना कार्यक्रम गरिएको थियो । रोशी उद्योग वाणिज्य संघको सहकार्य तथा खाद्य प्रविधि तथा गुण नियन्त्रण डिभिजन कार्यालय धुलिखेलको आयोजनामा कार्यक्रम गरिएको थियो ।
कार्यक्रममा वडा न १ का कार्यवाहक वडाध्यक्ष मनकुमारी लामा, खाद्य प्रविधि गुण नियन्त्रण डिभिजन कार्यालय धुलिखेलका प्रमुख मनिषा चापागाईं, खाद्यनिरिक्षक पूर्ण प्रसाद पौडेल, उद्यम बिकास शाखाका कर्मचारी मनिषा मोक्तान, रोशी उद्योग वाणिज्य संघका उपाध्यक्षद्वाय लक्ष्मी वाइबा र कान्छामान लामा, कोषाध्यक्ष चन्द्र लामा, सहकोषाध्यक्ष अमृत लामा लगायतको उपस्थिति रहेको थियो । कार्यक्रम भने संघका महासचिव बिकास लामाले सञ्चालन गर्नुभएको थियो ।
