काभ्रे,
मंगलबार पाल्पामा भएको जिप दुर्घटनामा ज्यान गुमाउनेको सङ्ख्या १० पुगेको छ । दुर्घटनामा घाइते १६ जनाको लुम्बिनी मेडिकल कलेज, प्रभास तानसेनमा उपचार भैरहेको छ । तानसेन बुटवल सडक खण्डमा पर्ने सिद्धार्थराजमार्गको डुम्रेबाट तिनाँउ गाउँपालिकाको भित्रि कच्ची सडक चिदिसका लागी छुटेको लु १ ज २३७१ नम्बरको जीप हिजो दुर्घटनामा परेको हो ।
जिप सडकबाट ३ सय मिटर तल खसेको प्रहरीले जनाएको छ । दुर्घटनापछि चालक तानसेन नगरपालिका १० का ४५ वर्षिय दानबहादुर चिदिलाई नियन्त्रण लिइएको छ । घटनाको बारेमा प्रहरीले अनुसन्धान अघि बढाएको छ । क्षमताभन्दा बढी यात्रु र सामान बोकेको जिपले उकालोमा तान्न नसकी पछि हटेकाले सो दुर्घटना भएको स्थानीयले जनाएका छन् ।
