काभ्रे,
आजबाट काभ्रेपलाञ्चोक जिल्लाको धुलिखेल अस्पतालमा स्तन क्यान्सर सम्वन्धी दोश्रो अन्र्तराष्ट्रिय सम्मेलन हुँदै छ ।
धुलिखेल अस्पतालको आयोजनामा २०२४ फेब्रूअरी २७, २८, र २९ तारिख अर्थात २०८० फागुन १५, १६ र १७ गतेसम्म सम्मेलन सञ्चालन हुने छ ।
स्तन क्यान्सरका बारेमा छलफल र नेपालमा स्तन क्यान्सरका लागि चुनौतीहरु माथि प्रकाश पार्ने, जनचेतना अभिवृद्दि गर्ने र प्रभावकारी रोकथामका रणनीतिहरु खोज्नुपर्ने आवश्यकता औल्याउन सम्मेलन आयोजना गरिएको हो । सम्मेलनमा विभिन्न देशका विशेषज्ञ चिकित्सकहरु सहभागि भएका छन् ।
अन्र्तराष्ट्रिय स्तरको दोश्रो स्तन क्यान्सर सम्वन्धी यस सम्मेलनले नयाँ नयाँ रोग र त्यसको विकासक्रममा चिकित्सकहरुको भूमिका तथा नागरिकहरुलाई दिनु पर्ने सेवा र उपचार पद्दतीका सन्र्दभमा समेत एक आपसमा छलफल हुने आयोजकले जानकारी दिएका छन् ।
ब्यत्तिको उमेर बढ्दै जाँदा क्यान्सरका विभिन्न घटनाहरु वृद्धिको सामना गरिरहनु परेको बताउँदै चिकित्सकहरुले नेपाल एक विकासोन्मुख राष्ट्र भएकाले यहाँ स्तन क्यान्सर महिलाहरुमा दोश्रो सबै भन्दा घातक रोगको रुपमा रहेको उल्लेख गरिएको छ ।
