सांकेतिक फोटो

यश कुमार परियार–असोज ७,
२०७७,काभ्रे/

काभ्रे जिल्लामा आज एकै दिन ३३ जना कोरोना संक्रमित डिस्चार्ज भएका छन् । स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्र कुमार झाका अनुसार काभ्रेका विभिन्न स्थानको अस्पतालबाट ३३ जना डिस्चार्ज भएका हुन् ।

यस्तै आज साँझ सम्म थप ३ जनामा कोरोना भाईरसको संक्रमण पुष्टि भएको छ । संक्रमित हुनेमा बनेपा नगरपालिकाका १ पुरुष/१ महिला गरी २ जना र पनौती नगरपालिकाका १ पुरुष गरी ३ जना रहेको डा. झाले जानकारी दिए ।

यो सँगै काभ्रेमा कोरोना संक्रमितको संख्या ५ सय ५२ पुगेको छ । ति मध्ये निको भई घर फर्कनेको संख्या ३ सय ७३ जना रहेका छन् । डा. झाका अनुसार काभ्रेमा सक्रिय संक्रमितको संख्या १ सय ७३ जना छन् ।

हाल सम्म काभ्रे जिल्लामा कोरोना संक्रमणबाट ४ पुरुष र ५ महिला गरी ९ जनाको मृत्यु भएको छ, जस मध्ये २ पुरुष र १ महिला अन्य जिल्लाका रहेका छन् ।

Facebook Comments Box