काभ्रे,
काभ्रे जिल्लाको रोशी–१२ स्थित श्री गणेश माध्यमिक विद्यालयको विद्यालय व्यवस्थापन समिति र शिक्षक अभिभावक संघ समिति गठन भएको छ । विद्यालयको हिजो बिहीबार भएको अभिभावक भेलाले गुणराज मुक्तानलाई पूनः विव्यस अध्यक्षमा सर्वसम्मत चयन गरेको छ । त्यसैगरी सदस्यहरुमा पेमा वाङ्जु मुक्तान, (वडा अध्यक्ष) वसन्त कुमार तामाङ, डिलुमाया पुलामी, सागर लामा, सेती माया स्याङ्तान, शोभा वि.क. चयन भएका छन् भने शिक्षक प्रतिनिधि सदस्यमा प्रदिप मुक्तान र सदस्य सचिवमा तिर्थलाल मोक्तान चयन भएका छन् ।
त्यसैगरी विद्यालयको शिक्षक अभिभावक संघतर्फ अध्यक्षमा बिज बहादुर भोम्जन चयन हुनुभएको छ । शिक्षक अभिभावक संघतर्फको सदस्यहरुमा कुमारी तामाङ, विमली वि.क., शारदा पुलामी, धन कुमार मुक्तान, भिम बहादुर मगर, धन राज थिङ, नोर्वु दोर्जे घोले, तिर्थलाल मोक्तान र सदस्य सचिवमा राजकुमार रायमाझी चयन भएका छन् ।
