काभ्रे,
काभ्रेपलाञ्चोक जिल्लाको मण्डनदेउपुर नगरपालिकाको नवनिर्मित प्रमुख प्रशासकीय भवनको उद्घाटन गर्न राष्ट्रपति रामचन्द्र पौडेल आज काभ्रे आउनुहुँने भएको छ । आज नगरपालिकाको सातौँ स्थापना दिवसको अवसर पारेर भवन उदघाटन गर्न लागिएको हो । भवन वडा नम्बर ७ को मनमति डाँडामा करिब २९ रोपनी क्षेत्रफलमा बनाइएको छ । नवनिर्मित प्रशासनिक भवनमा ६२ वटा कोठाहरु रहेका छन् । नवनिर्मित भवनमा अपाङ्गता भएका र ज्येष्ठ नागरिकलाई सम्बन्धित शाखामै पुगेर सेवा लिन सहज गराउनका लागि लिफ्ट जडान गरिएको छ ।
भवन उदघाटनको सम्पूर्ण तयारी पुरा भएको छ । भवन उदघाटन गर्नु अघि कुन्ताबेसी चोकबाट र्याली निकालिने छ । नगरपालिकाभित्रका विविध भेषभूषा सहितको झाँकी प्रर्दशन गरिने जनाईएको छ ।
