रोशी सहकर्मी–असोज २६,
२०७७,काभ्रे/

काभ्रेमा आज ३७ जना कोरोनाका बिरामी थपिएका छन् । स्वास्थ्य कार्यलय काभ्रेले उपलब्ध गराएको विवरण अनुसार पछिल्लो २४ घण्टामा विभिन्न पालिकाका ३७ जनालाई कोरोना संक्रमण पुष्टि भएको हो ।

जिल्ला स्वास्थ्य कार्यालय काभ्रेका प्रमुख डा. नरेन्द्र झाका अनुसार संक्रमितहरु धुलिखेलमा २ पुरुष र ३ महिला, पनौतीमा २ पुरुष र १ महिला, मण्डनदेउपुर १ जना महिला २ जना पुरुष, नमोबुद्ध नगरपालिकाबाट १० जना पुरुष, रोशी गाउँपालिकाबाट १ जना पुरुष, बनेपामा ८ जना पुरुष र ७ जना महिला गरी ३७ नयाँ संक्रमित थपिएको छ । यो संगै काभ्रेमा १ हजार ३८ पुगेको छ भने ६ सय ९ जना निको भएका छन् । आज १६ जना डिस्चार्ज भए सँगै निको हुनेको संख्या ६ सय ९ पुगेको हो ।

यसैबिच नमोबुद्ध नगरपालिकाका १० मध्ये ९ जना आर्मी व्यारेकको र १ जनाको भने पहिचान हुन बाँकि रहेको नगरपालिकाका आईसोलेसन फोकल पर्सन शोभाकान्त आचार्यले जानकारी दिए ।

यस्तै रोशी गाउँपालिकाका १ जना प्राविधिकमा कोरोना पुष्टि भएको छ । रोशी गाउँपालिकाका कर्मचारीमा कोरोना पुष्टि भए सँगै उनि कन्ट्याक ट्रेसिङमा परेको र आज रिपोर्ट आएको रोशी गाउँपालिकाका स्वास्थ्य संयोजक गंगालाल श्रेष्ठले जानकारी दिए । संक्रमित पुरुष हाल आफ्नै घर पाँचखालमा होम आईसोलेसनमा बसेको उनले जानकारी दिए ।

Facebook Comments