काभ्रे,
गर्मी सुरु भएसँगै सरुवा रोगको जोखिम बढ्ने भएकाले सतर्क रहन डाक्टरले सुझाव दिएका छन् । गर्मी सुरु भएसँग टाइफाइट, हैँजा, हेपाटाइटिस जस्ता सरुवा रोगको जोखिम बढ्ने शुक्रराज ट्रपिकल तथा सुरुवा रोग अस्पताल टेकुका सरुवा रोग विशेषज्ञ डाक्टर शेरबहादुर पुनले बताउनुभयो । गर्मीयाममा सरसफाईमा विशेष ध्यान दिन, घरबाहिरका खानेकुरा सकेसम्म नखान, खाए पनि स्वस्च्छ र स्वस्थ रहेको एकिन गरेर मात्र खान तथा घर वरपर तथा घरको कौसी र छतमा पानी जम्न नदिन, लामखुट्टे खोजेर नष्ट गर्न स्थानीय बासिन्दा र स्थानीय सरकारले बेलैमा काम थाल्नुपर्ने उहाँको सुझाव छ ।
गर्मीयाममा खानेकुरा चाँडै बिग्रने, लामखुट्टे बढ्नेजस्ता धेरै कारणले सरुवा रोगको जोखिम बढ्ने भएकाले अरु समयमा भन्दा बढी ध्यान दिनुपर्ने उँहाको भनाई छ ।
