यश कुमार परियार–कात्तिक १७,
२०७७,काभ्रे/

काभ्रे जिल्लामा आज ९० जनामा कोरोना भाईरसको संक्रमण पुष्टि भएको छ । स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्र कुमार झाका अनुसार संक्रमित हुनेमा सबै भन्दा बढि धुलिखेल नगरपालिकाका ३७ जना रहेका छन् ।

यसैगरी बनेपा नगरपालिकाका ३४ जना, पनौती नगरपालिकाका ८ जना, पाँचखाल नगरपालिकाका ४ जना, मण्डन देउपुर नगरपालिकाका ५ जना, नमोबुद्ध नगरपालिकाका २ जना गरी ९० जना नयाँ कोरोना संक्रमित थपिएको डा. झाले जानकारी दिए । यो सँगै काभ्रेमा कोरोना संक्रमितको संख्या १ हजार ७ सय ७३ पुगेको छ । डा. झाका अनुसार ति मध्ये ५ सय २६ जना सक्रिय संक्रमित रहेका छन् ।

यस्तै आज कोरोनालाई जितेर घर फर्कनेको संख्यामा पनि वृद्धि भएको छ । आज एकै दिन ७७ जनाले कोरोना जितेर डिस्चार्ज भएको डा. झाले जानकारी दिए । यो सँगै काभ्रेमा कोरोना जितेर घर फर्कनेको संख्या १ हजार २ सय २६ पुगेको छ ।

Facebook Comments Box