नमोबुद्ध–२ बेलामा बस र सुमो ठोक्किदा ६ जना घाईते, एकको अवस्था गम्भीर

काभ्रे,

नमोबुद्ध नगरपालिका वडा न २ बेला स्थित बिपि राजमार्गमा बस र सुमो एक आपसमा ठोकिँदा ६ जना घाईते भएका छन । दुर्घटनामा एक जनाको अवस्था गम्भीर रहेको छ । भकुण्डेबेशीबाट धुलिखेल तर्फ जादै गरेको बा ३ ख ८१५५ नम्बरको बस र धुलिखेलबाट भकुन्डे तर्फ आउदै गरेको ना १ ज ४३७७ नम्बरको सुमो एकआपसमा ठोक्किएर दुर्घटना भएको हो । घाईते हुनेमा सुमोमा सवार १० जना मध्ये चालक सहित ६ जना घाईते रहेका छन । घाईतेलाई उपचारका लागि धुलिखेल अस्पताल पठाईएको जिल्ला प्रहरी कार्यालय काभ्रेपलाञ्चोकले जनाएको छ ।
घाईत हुनेमा महोत्तरीको बर्दिबास ५२ वर्षीय रासुदेवी महरा, ४८ बर्षीय सुमिन्द्र देवी, महोत्तरी ३९ वर्षीय दुर्गा वराईली, सर्लाही लालबन्दीका ३५ वर्षीय सबिना थपलिया, सर्लाही लालबन्दीका ८ वर्षीय सन्हया थपलीया, महोत्तरीका ३४ वर्षीय सुमन बि.क र चालक धनुषाको यज्ञ भुमि नगरपालिका वडा नम्बर ८ का ५५ वर्षीय विषेश्वर बुर्गामगर रहेका ।
जिल्ला प्रहरी कार्यलय काभ्रेका सुचना अधिकारी राजकुमार श्रेष्ठका अनुसार घाईते मध्य ३ जना बेहोस र एक जनाको अवस्था गम्भीर रहेको छ । बस चालक प्रहरी चौकी भकुण्डेको नियन्त्रणमा रहेको सुचना अधिकारी श्रेष्ठले जनाकारी दिनुभयो ।