काभ्रे,
रोशी गाउँपालिका वडा न ११ मा आयोजित एक दिने निःशुल्क आयुर्वेदिक स्वास्थ्य शिविरबाट १ सय ५७ जना प्रत्यक्ष लाभान्वित भएका छन् । हिजो गाउँपालिका अध्यक्ष दिनेश लामा र प्रमुख प्रशासकीय अधिकृत रामबहादुर तामाङले शिविरमा आएका जेष्ठ नागरिकहरूलाई स्वास्थ्य लाभको कामनासहित खादा लगाई सम्मान गरेर शिविर शुरु गरेका थिए ।
रोशी गाउँपालिकाको आयुर्वेद शाखाको आयोजना तथा आयुर्वेद तथा वैकल्पिक चिकित्सालय काभ्रेको प्राविधिक सहयोगमा शिविरबाट सञ्चालन भएको हो ।
शिविरमा गाउँपालिका आयुर्वेद स्वास्थ्य शाखा प्रमुख सविता गौतमको नेतृत्वमा विरामीहरुलाइ निःशुल्क औषधि वितरण गरीएको थियो ।
आयुर्वेद तथा वैकल्पिक चिकित्सालय काभ्रेका प्रमुख डा. वशंवदा कौण्डिन्यायनीको नेतृत्वमा पतन्जली आयुर्वेद अस्पताल धुलिखेलका डा. चन्द्रकिशोर यादव, रूमा झा लगायतले बिरामीको स्वास्थ्य परीक्षण गरेका थिए ।
