काभ्रे,
काभ्रे जिल्लाको महाभारत गाउँपालिका वडा नम्बर ४ गोठडाँडामा जंगलको डढेलो गाउँमा प्रवेस गर्दा तीन घर जलेर नष्ट भएको छ । आज स्थानीय अकरपाखा झिगाने सामुदायिक वनमा लगेको आगो राना टोल पस्दा ३ घर जलेर नष्ट भएको हो । आगलागीबाट स्थानिय सन्त बहादुर राना मगर, सुरेश राना मगर र चन्द्र बहादुर तुम्सिङको ढुङगामाटोले बनेको जस्ताले छाएको कच्ची १ तल्ले घर, घर भित्र रहेको सम्पुर्ण अन्न पात, लत्ताकपडा, भाडाबर्तन, फर्निचर सामग्री समेत जली नष्ट भएको छ ।
आगलागिबाट अहिलेसम्म मानवीय क्षति भने भएको छैन् तर घर भित्र रहेको सम्पुर्ण अन्न पात, लत्ताकपडा, भाडाबर्तन, फर्निचर सामग्री र केहि मात्रामा पशु चौपायहरु जलेर मरेका छन् । आगलागीबाट ४५ लाख बराबरको आर्थिक क्षती भएको जिल्ला प्रहरी कार्यालय काभ्रेपलाञ्चोकले जनाएको छ । थप बिवरण आउँन बाकि ।
