काभ्रे,
आज देशका विभिन्न ठाउँमा पानी पर्ने मौसमविद्ले बताएका छन् । मौमस पूर्वानुमान महाशाखाको अनुसार आज कोशी, मधेस, बागमती, गण्डकी र लुम्बिनी प्रदेश लगायत बाँकी पहाडी भूभागका थोरै तथा तराईका एकदुई स्थानमा मेघगर्जन र चट्याङ्गसहित हल्का वर्षाको सम्भावना रहेको छ । पश्चिमीसँगै स्थानीय वायु र भारतको बिहार आसपास बनेको न्यून चापीय प्रणालीको प्रभावले आज देशभर आंशिकदेखि साधारणतया बदली रहने जनाईएको छ ।
यस्तै देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको छ । यसैगरी राति पनि कोशी, मधेश, बागमती र गण्डकी प्रदेशका थोरै तथा बाँकी भूभागका एकदुई स्थानमा मेघगर्जन, चट्याङ्ग र हावाहुरीसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
