साँगामा चारवटा सवारी एकसाथ ठोक्किएर दुर्घटना हुँदा २ जना घाईते

काभ्रे,

काभ्रे जिल्लाको बनेपा नगरपालिका –१३ स्थित साँगामा भयानक दुर्घटना भएको छ । आज दिउँसो अन्दाजी १५ः५० को समयमा साँगाको पुतली रिसोर्ट अगाडि हाईवेको साईडमा चारवटा सवारी एकसाथ ठोक्किएर दुर्घटना हुँदा दुईजना घाईते भएका हुन् । गाडी जाममा परेको समयमा पछाडीबाट गाडीले गाडीलाई ठक्कर दिँदा दुर्घटना भएको हो ।
साईडमा रोकी राखेको बा.प्र.–०१००३ क ९९४५ नम्बरको ट्याङ्करसँग मोटरसाइकल, स्कुटर, गाडी र कार ठोक्किदा २ जना घाईते घाईते भएका हुन् ।
घाईते हुनेमा बा.६३ प ७ नम्बरको मोटरसाइकल चालक पनौती नगरपालिका वडा नम्बर २ का ४८ वर्षीय प्रकाश सापकोटा छन् । उनको मुख, च्यापु, घाँटीमा चोट लागेको छ । उनलाई थप उपचारका लागि शिरमेमोरियल अस्पताल बनेपाबाट नर्भिक अस्पताल रिफर गरिएको छ ।
त्यस्तै बा.प्र.–०२–०४४ प ०५७३ नम्बरको स्कुटीका बनेपा नगरपालिका वडा नम्बर ५ का १८ वर्षीय देविना कर्मचार्य घाईते छन् । उनको बाँया खुट्टामा चोट लागेको छ । उनको शिरमेमोरियल अस्पताल बनेपामा उपचार भैरहेको छ ।
ट्याङ्करसंग साँगाबाट बनेपातर्फ आईरहेको बा.६३ प ७ नम्बरको मोटरसाइकल बा.प्र.–०२–०४४ प ०५७३ नम्बरको स्कुटी, सोही दिशाबाट आईरहेको बा. ७ च ४५३७ नम्बरको कार सोही ट्याङ्करमा गई ठोकिएको र बा.प्र.–०१–०२६ च ९२३९ नम्बरको योद्धा गाडी कारमा गई ठोकिएको, BACO123 नम्बरको कार योद्धा गाडीमा गई ठोकिएको, ना.७ ख ५४१ नम्बरको मालबाहक ट्रकसंग ठोकिएको थियो । ट्याङ्कर र मालबाहक ट्रक बाहेक सबै सवारी साधनमा क्षति भएको छ ।