काभ्रे,रेडियो रोशी,
रोशी गाउँपालिकाकाको महिला जनप्रतिनिधिहरुको लागि दुई दिने नेतृत्व विकास तालिमको सुभारम्भ भएको छ । रोशी गाउँपालिकाकाको आयोजना तथा सोलुसन रिसर्च पोईन्ट प्रा.लि किर्तिपुरको सहजिकरणमा आजबाट भकुण्डबेशी स्थित कुटुम्ब रिसोर्टमा तालिम सुरु गरीएको हो । तालिमको गाउँपालिका अध्यक्ष दिनेस लामाले समुद्घाटन गर्नुभएको हो ।
तालिमको शुभारम्भ गर्दै अध्यक्ष लामाले महिला जनप्रतिनिधिहरु सक्षम र सशक्त बनाउनको लागि तालिमको आयोजना गरेको बताउनुभयो । आजको वडा सदस्यहरु भोलीको वडाध्यक्ष र पालिका अध्यक्ष बन्ने तयारीमा लाग्न अध्यक्ष लामाले शुभकामना दिनुभएको छ ।
सहभागि महिला जनप्रतिनिधिहरुलाई बिषेसगरि स्थानीय सरकारको संरचना, स्थानीय सरकारको अधिकार, लैंगिक समानता, अपांगता तथा सामाजिक समावेशीकरणका बारेमा तालिम दिईएको थियो । त्यसैगरी वडा समिति र पदाधिकारीहरुको काम, कर्तव्य र अधिकार, रुपान्तरणीय नेतृत्व, स्थानीय तहको योजना तर्जुमा प्रक्रिया, आत्मविश्वास र कार्यसमितिको बैठक एवम् प्रभावकारी बैठक संचालनका उपायहरुको बारेमा केन्द्रित रहेर तालिम दिन लागिएको गाउँपालिकाकाको महिला बालबालिका तथा जेष्ठ नागरिक शाखा फोकल पर्सन रन्जना चौलागाँईले जानकारी दिनुभयो ।
तालिमको सहजिकरण स्थानीय सासन विज्ञ दिपक श्रेष्ठ र राजु खनालले गरेका थिए । तालिम भोलि सम्पन्न हुने छ ।
