काभ्रे,
रोशी गाउँपालिका वडा नं ६ सिपालीका दलित समुदायलाई बाख्रा वितरण गरिएको छ । रोशी गाउँपालिकाको आर्थिक सहयोगमा दलित समुदाय उत्थान कार्यक्रम अन्तर्गत सिपालीका दलित समुदायलाई बाख्रा वितरण गरिएको हो ।
हिजो आईतबार जिल्ला समन्वय समिति काभ्रेका उपप्रमुख रिमबहादुर तामाङ र गाउँपालिका अध्यक्ष दिनेश लामाको बिशेष आतित्थ्यतामा दलित समुदायलाई बाख्रा वितरण गरिएको हो ।
गाउँपालिकाबाट एक लाख ८२ हजार र वडाबाट एक लाख गरी दुई लाख ८२ हजार लागतमा बाख्रा वितरण गरेको हो ।
समृद्ध रोशी निर्माणको लागि दलित समुदायलाई बाख्रा वितरण गरेको गाउँपालिका अध्यक्ष लामाको भनाई छ ।
सो वडामा २९ घरधुरी रहेकोमा २५ घरधुरीलाई बाख्रा वितरण गरेका थिए । अन्य घरका सबै परिवार रोशी गाउँपालिका भन्दा बाहीर रहेका छन् ।
कार्यक्रममा कार्यपालिका सदस्य सुनिता लामगादे, वडा सचिव सुजता मैनाली लगायतको जनप्रतिनिधि, कर्मचारी र स्थानीयको उपस्थिती रहेका थिए ।
