काभ्रे,
नमोबुद्ध नगरपालिकाले उद्यमशीलता विकास र स्वरोजगार सिर्जना गर्न नागरिकहरुलाई तालिम दिईरहेको छ । नगर युवा परिषद्को आयोजना भएको तालिममा उद्यशीलता, सृजनशीलता, व्यवसाय छनोट, उत्पादन अभ्यास, व्यवसाय व्यवस्थापन, बजार तथा बजारिकरण अवधारणा, उत्पादन योजना, खर्च योजनाका बारेमा अभिमुखिकरण गराईने छ ।
तालिममा औद्यागिक व्यवसाय विकास प्रतिष्ठानका पूर्व निर्देशक समेत रहनुभएको प्रमुख प्रशिक्षक इश्वरी प्रसाद शर्माले सहभागीलाई अभिमुखिकरण गराईरहनु भएको छ । तालिममा नगरभित्र रहेको ११ वटै वडाबाट कम्तीमा १ महिला सहित २ पुरुष गरी ३३ जना सहभागी भएका छन् । तालिममा सहभागीले व्यवसायिक योजना निर्माण, प्रस्तुतिकरणका साथै सफल उद्यमीसंग अन्तरक्रिया समेत गर्नेछन् । जेठ ५ गतेबाट सुरु भएको तालिम पर्सि समापन हुने छ ।
