काभ्रेको रोशी गाउँपालिकामा खोलाले बगाएर फेरी एक जनाको मृत्यु

काभ्रे, रेडियो रोशी,

काभ्रे जिल्लाको रोशी गाउँपालिकामा खोलाले बगाएर फेरी एक जनाको मृत्यु भएको छ । रोशी गाउँपालिका वडा नम्बर १ सानो भुग्देउमा खोलाले बगाउँदा ४५ वर्षीय कमल विकको मृत्यु भएको हो । विक सोही वडाका हुन् । हिजो बेलुका सात बजेतिरको समयमा कमललाई श्रीमती र छोरीसंगै गाँउबाट घर जाँदै गर्दा खोला तर्ने क्रममा खोलाले बगाएको थियो ।
बगाएको स्थानबाट १÷२ किलोमिटर तल खोलाको बगरमा उनको शव फेला परेको हो । कमलको शव आज विहान फेला परेको प्रहरीले जनाएको छ । यसअघि मनसुन सुरु भए यता रोशी गाउँपालिका वडा नम्बर ११ मा खोला तर्ने क्रममा खोलाले बगाउँदा फुपु र भदैनीको मृत्यु भएको थियो ।