काभ्रे,
काभ्रे जिल्लामा २ सय ५१ जना डेंगु संक्रमित भेटिएका छन् । हिजो सम्मको तथ्यांक अनुसार काभ्रे जिल्लाभित्र महिला १३५ र पुरुष १ सय १६ गरी २ सय ५१ जनामा डेंगु संक्रमण पुष्टि भएको जिल्ला स्वास्थ्य कार्यालय काभ्रेका जनस्वास्थ्य अधिकृत आमुल प्रधानले जानकारी दिनुभयो । सबै भन्दा बढी बनेपा नगरपालिकामा डेंगु संक्रमण देखिएको छ । बनेपामा ८९ जनामा डेंगु संक्रमण पुष्टि भएको छ । त्यसैगरी, धुलिखेल नगरपालिकामा ४५ जना, पनौतीमा २८, पाँचखालमा १४, नमोवुद्ध नगरपालिकामा ३३ जना र मण्डनदेउपुर नगरपालिकामा २४ जनामा डेंगु संक्रमण भएको छ ।
त्यसैगरी रोशी गाउँपालिकामा १० जना, भुम्लु र तेमाल गाउँपालिकामा २÷२ जना, खानीखोला गाउँपालिकामा, बेथानचोक गाउँपालिका, महाभारत गाउँपालिका र चौंरीदेउराली गाउँपालिकामा १÷१ जनामा डेंगु पुष्टि भएको छ । डेंगु एडिज एजिप्टाई जातको पोथी लामखुट्टेको टोकाइबाट सर्ने रोग हो । त्यसैले लामखुट्टेको टोकाईबाट बच्नु नै संक्रमणबाट बच्ने उत्तम उपाय हो ।
