काभ्रे,
राष्ट्रिय स्वतन्त्र पार्टी (रास्वपा) को महामन्त्री पदबाट बर्खास्त हुँनुभएको मुकुल ढकालले सभापति रवि लामिछानेमाथि सहकारी ठगी र पासपोर्टबारे छानबिन गर्न माग गर्नुभएको छ । पार्टीले कारबाही गरेको भोलिपल्टै आज पत्रकार सम्मेलन गरेर उँहाले पार्टी सभापति लामिछानेमाथि नै प्रश्न उठाउनुभएको हो ।
१९ गतेको बैठकमा मुखमा कालो टेप लगाएर बस्नु आफ्नो कमजोरी भएको उँहाले स्वीकार गर्नुभएको छ, तर त्यसपछि बैठक स्थगित गरेर आफूसँग संवाद गर्नुका साटो बैठक राख्नु पनि कमजोरी भएको उँहाले बताउनुभयो । त्यसपछि पनि आफूले सभापतिसँग संवाद गर्न खोजे पनि नमानेको उँहाको भनाई छ ।
पछिल्लो पटक सर्वोच्च अदालतले नै लामिछानेमाथि अनुसन्धान गर्नुपर्छ भनिसकेको भन्दै उँहाले यसमा रास्वपाको धारणा के छ ? भन्दै सभापति लामिछानेमाथि प्रश्न समेत गर्नुभएको छ । लामिछानेको पासपोर्ट प्रकरण र सहकारी ठगी प्रकरणबारे पार्टीले छानबिन गर्न उँहाले माग गर्नुभएको छ ।
