माघ २६,
२०७७,काभ्रे/

काभ्रेको तेमाल गाउँपालिकामा भईरहेको अध्यक्षकप फुटबलको दोश्रो दिन आज ४ खेल सम्पन्न भएको छ । तेमाल गाउँपालिका खेलकुद विकास समितिको आयोजनामा आईतबारबाट तेमाल ७ चापाखोरीमा सुरु भएको गाउँपालिका स्तरीय अन्तर वडाव्यापी दोस्रो अध्यक्ष कप फुटबल प्रतियोगिता अन्तर्गत आज सोमबार वडा नं. ६ को विरुद्ध ८ ,वडा नं. २ को विरुद्ध ५, वडा नं. ३ को विरुद्ध ७ र वडा नं. ५ को विरुद्ध ९ प्रतिस्पर्धामा उत्रिएका हुन् ।

वडा नं. ६ र ८ को टिमबीच भएको खेल वडा नं. ८ को टिमले ०–१ गोल अन्तरले जित निकालेको छ । वडा नं. २ र ५ को खेलमा २ नं. वडाको टिम कुनै गोल गर्न नसकि घर फर्किएको छ भने उसका विरुद्ध वडा नं. ५ ले २ गोल री जित दर्ता गरेको हो ।

त्यस्तै वडा नं. ३ र ७ को टिमबीचको खेल निकै प्रतिस्पर्धात्मक देखिएको थियो । यो खेलमा वडा नं. ३ को टिमले २ गोल गर्यो भने वडा नं. ७ ले ३ गोल गरेर जित हाँसिल गरेको छ । वडा नं. ५ र वडा नं. ९ को टिमबीचको खेल पनि २ का विरुद्ध ३ गोलले नै टुंगो लागेको छ । समग्रमा यी ४ वटा खेलमा वडा नं. ८, ५,७ र ९ को टिमले जित दर्ता गराएका छन् । समग्रमा यी ४ वटा खेलमा वडा नं. ८,५,७ र ९ को टिमले जित दर्ता गराएका छन् ।

फाईनल खेल भोली मंगलबार हुने पालिका उपाध्यक्ष एवं खेलकूद विकास समितिका अध्यक्ष दुर्गामाया तामाङले जानकारी दिईन् । प्रतियोगिताको अन्तिम दिनको खेलहरु विहान ८ बजेनै थाल्ने उनले बताईन् ।

Facebook Comments