काभ्रे,रेडियो रोशी,
नमोबुद्ध नगरपालिका वडा नं ७ भकुण्डेवेशी स्थित एक किराना पसलबाट नगदसहित २ लाख मूल्य बराबरका सामान चोरी भएको छ । भकुण्डेवेशीको तल्लो बजारको बर्गर हाउससँगै रहेको बिनोद खाद्य स्टोरमा चोरी भएको हो । आज बिहान अन्दाजी पौने १ बजेबाट २ बजेसम्मको समयमा चोरी भएको हुनसक्ने पसल सञ्चालक राजकुमार श्रेष्ठले रेडियो रोशीलाई जानकारी दिनुभयो ।
पसलबाट केहि नगदसहित चुरोट, रिचार्ज कार्ड, रेडबुल, चकलेटहरु र अन्य सामानहरु गरी २ लाख मूल्य बराबरको सामग्री चोरी भएको सञ्चालक श्रेष्ठले बताउनुभयो । चोर अझै फरार नै छन् । चोरीमा संलग्न रहेकाको खोजीकार्य भईरहेको भकुण्डेवेशी प्रहरी चौकीले रेडियो रोशीलाई जानकारी दिएको छ ।
