काभ्रे,
काभ्रे जिल्लाको बनेपा नगरपालिका–४ नाला स्थित गाईगोठमा आगलागि हुँदा करिब ५ लाख बराबरको क्षती भएको छ । आज बिहान नालाका ४६ बर्षीय गोबिन्द सापकोटाकोे इट्टा र माटोको पर्खाल र जस्ताको छानो भएको गोठमा आगोलागी भएको हो । बिहानको करिब ४ बजको समयमा बिधुत सर्ट भएर आगोलागी भएको हो । आगोलागीबाट १ वटा गाईको जलेर मृत्यु भएको छ । त्यसैगरी भुसा काटने मेसिन, मेसिनको मोटर, पराल, भुसा र गोठ समेत जले पुर्ण नष्ट भएको छ । आगोलागीबाट करिब ५ लाख बराबरको क्षति भएको प्रहरीले जनाएको छ । बनेपा नगरपालिकाको वारुण यन्त्र र स्थानीय र सहायताले आगो नियन्त्रणमा आएको छ । आगोलागीबाट मानवीय क्षती भने भएको छैन् ।
