काभ्रे,
रोशी गाउँपालिकाको पर्यटकीय स्थल ताराखसेमा नवनिर्मित भौतिक संरचनाहरुको उद्घाटन गरीएको छ । हिजो (सोमबार) जनैपूर्णिमाको अवसमा गाउँपालिका अध्यक्ष दिनेश लामा र उपाध्यक्ष मिमबहादुर वाइबाले संरचनाहरुको संयुक्त रुपमा उद्घाटन गरेका हुन् । संघीय सरकारको १ करोड आर्थिक सहयोगमा पोखरी क्षेत्रमा भौतिक संरचनाहरुको निर्माण सुरु गरीएको थियो । यस स्थलको क्षेत्रमा अहिले पार्किङ, स्नान घर, आवास भवन, शैचालय, पिकनिङ स्पोट्स, पानी धारा लगायतको निर्माण गरिएको छ । दर्शनार्थीहरुको सहजताका लागि सिँढी निर्माण गरिएको छ ।
गाउँपालिका दिनेस अध्यक्ष लामाले अघिल्लो वर्षको तुलनामा पोखरी क्षेत्रमा यो वर्ष धेरै ब्यवस्थित गरीएको बताउनुहुदै अर्को वर्ष अझ सुब्यवस्थित गराउने गरी लागिपर्ने बताउनुभयो । यस पर्यटकीय क्षेत्रसम्म आउने सडक सहज बनाउन पाए शहरबाट नजिकको पर्यटकीय स्थल बन्ने उहाँको भनाइ छ । सडक स्तरोन्नतिका लागि सबै सरोकारवालाले सहयोग गर्नुपर्ने लामाले बताउनुभयो ।
त्यसैगरी उपाध्यक्ष मिम बहादुर वाईबा (ज्वाला)ले गाउँपालिकाले पर्यटन क्षेत्रको विकासलाई विशेष प्राथमिकता दिएर काम गरीरहेको बताउनुभयो । गाउँपालिकाको पहिलो प्राथमिकता कृषि र पर्यटन भएको बताउनुहुदै उहाँले रोशी गाउँपालिका पर्यटन क्षेत्रको प्रचुर सम्भावना बोकेको पालिका भएर पर्यटनलाई बिशेष जोड दिएर काम गरिरहेको बताउनुभयो ।
वडाध्यक्ष धनजित लामाले ताराखसे कुण्ड धार्मिक हिसाबले महत्वपूर्ण स्थल भएको बताउनुहुदै जनैपूर्णिमाको दिन आएर दर्शन गरे मनकामना पूरा हुने किम्बदन्ती रहेको भन्नुभयो । यो पोखरीमा जनैपुर्णिमाको दिन विशेष मेला लाग्ने गर्दर्छ ।
