काभ्रे,
गत जेठ २८ गतेदेखि हालसम्म बाढी, पहिरो र डुबानमा १ सय ६९ जनाको मृत्यु भएको छ भने करोडौं रुपैयाँको क्षति भएको छ । यस वर्ष अहिलेसम्म मनसुनजन्य घटनामा परेर १ सय ६९ जनाको मृत्यु हुनुको साथ १८ करोड ६० लाख बराबरको क्षति भएको छ । मनसुन सकिन अझै एक महिना बाँकी रहेकाले नदी तटीय क्षेत्र र भिरालो जमिन आसपासका नागरिक अझै सचेत हुनुपर्ने देखिएको छ । यस वर्ष धेरै पानी पर्ने र विपदजन्य घटना धेरै हुने पूर्वानुमान गरिए पनि क्षति कम गर्न नसकिएको भन्दै सरकारको आलोचना भइरहेको छ । सामान्य अवस्थामा जेठ २८ देखि असोज ७ गगते सम्मलाई मनसुन अवधि मानिन्छ । कहिलेकाहीं मनसुन ढिलो भित्रिने र मध्य असोजसम्म नै सक्रिय रहने गर्छ ।
सरकारले भने विपद्बाट हुने सम्भावित क्षति कम गर्न विभिन्न काम गरिरहेको दाबी गर्ने गरेको छ । यद्यपी अझै धेरै काम गर्न बाँकी रहेको गृह मन्त्रालय अन्तर्गतको विपद् तथा द्वन्द्ध व्यवस्थापन शाखा प्रमुख डा. भिष्मकुमार भुसालले बताउनुभयो ।
