काभ्रे,
रग्वी खेलबाट उत्कृष्ट पाँचमा छनौट हुनुभएको बनेपाका राष्ट्रिय खेलाडी श्रीराम श्रेष्ठलाई भोट गरेर विजयी गराउन अपिल गरीएको छ ।नेपाल खेलकुद पत्रकार मञ्चले हरेक बर्ष आयोजना गर्ने बजाज पल्सर स्पोर्ट अवार्ड २०८० को पिपुल्स च्वाईस अवार्डका लागि उत्कृष्ट पाँच खेलाडीहरुमा नालाका श्रीराम श्रेष्ठ छनौट हुनुभएको हो । उहाँ रग्वि खेलको राष्ट्रिय खेलाडी समेत हुनुहुन्छ । रग्विका राष्ट्रिय खेलाडी श्रीरामसँगै क्रिकेटबाट गुल्सन झा, भलिवलबाट कविता भट्ट, कबड्डीका मनमैती विष्ट र महिला फुटबलका प्रिति राई छनौटमा परेका छन् । उहाँलाई भोट गरी राष्ट्रिय खेलाडी श्रीराम श्रेष्ठलाई उत्कृट खेलाडीका रुपमा विजयी गराउन अपिल गरिएको छ ।
इसेवा खोलेर बजाज पल्सर स्पोर्ट अवार्डमा गएर त्यहाँ आउने नम्वरहरु मध्ये ५ छानेर उहाँलाई भोट गर्न सकिने छ । भाद्र २७ गते राति १२ बजेसम्मका लागि ईसेवाबाट भोट गर्न सकिने छ । आयोजकको अनुसार इसेवाबाट गरिने भोटिङको मतभार ५० प्रतिशत, सामाजिक सन्जालबाट गरिने भोटिङको मतभार २५ प्रतिशत, नेपाल ओलम्पिक कमिटीमा आबद्ध राष्ट्रिय संघका मुख्य प्रशिक्षकको मतभार १२.५ प्रतिशत र खेलुकद पत्रकार मन्चका सदस्यहरुको मतभारत १२.५ प्रतिशत रहने छ । भदौ २८ गते नेपाल प्रज्ञा प्रतिष्ठानमा हुने कार्यक्रममा विजेताको नाम सार्वजनिक गरिने छ । विजेताले पल्सरको एनएस ४ सय सिरिज पाउनेछन् ।
