काभ्रे,
नमोबुद्ध नगरपालिका वडा नं. ३ मा रहेको श्रीकृष्ण आधारभूत विद्यालयको अबकास प्राप्त प्रधानाध्यापक रमेश कुमार थपलियालाई बिदाई गरीएको छ । हिजो बिद्यालय एक कार्यक्रमको आयोजना गरेर उहाँले पुर्याउनुभएको योगदानको उच्च सम्मान गर्दै बिदाई गरीएको विद्यालय व्यवस्थापन समितिका अध्यक्ष रामकुमार मैनालीले बताउनुभयो । बिगत ३५ वर्ष ५ महिना सेवा गरे पश्चात उहाँले अबकास पाउनु भएको हो ।
कार्यक्रमा प्रमुख अतिथि नमोबुद्ध नगरपालिका वडा नं. ३ का अध्यक्ष रमेश तिवारी तथा बिशिष्ट अतिथि शिक्षक अभिभावक संघको अध्यक्ष केन्द्र प्रसाद ओझा, अतिथिहरु वडा सदस्यहरू समाजसेबीहरु र अभिभावकहरुको उपस्थिति रहेको थियो ।
उहाँले हिजै विद्यालयलाई ३ वटा ल्याप्टप र विद्यालयकै नाम बाट अक्षयकोष स्थापना गरी पच्पन्न हजार पाँच सय पाँच रुपैयाँ पाँच पैसा विद्यालय परिवारलाई हस्तान्तरण गर्नु भएको छ ।
बिदाई कार्यक्रममा उहाँले आफ्नो कार्यकालमा भएको बिद्यालयको स्तर उन्नतीलाई कायम राख्नका साथै बिद्यालयलाई थप ब्यबस्थित बनाई उच्च शिक्षा सम्मको अध्ययन अध्यापनमा थप जोड दिन स्थानियबासी तथा बिद्यालय परिवारलाई आग्रह गर्नुभएको छ ।
प्रमुख अतिथि एवम् वडा अध्यक्ष रमेश तिवारीले अगामी वर्षमा एक भवन निर्माण गर्नको लागि पहल गर्ने प्रतिबद्धता ब्यक्त गर्नुभएको छ ।
