काभ्रे,रेडियो रोशी,
नमोबुद्ध नगरपालिका–७ स्थित भकुण्डेबेशीमा आयोजित वृहत रक्तदान कार्यक्रम सम्पन्न भएको छ । आज नमोबुद्ध नगर प्रमुख कुन्साङ लामाको प्रमुख आतिथ्यतामा कार्यक्रम सम्पन्न भएको हो । श्री भुमिडाँडा बचत तथा ऋण सहकारी संस्थाको आयोजना, नेपाल रेडक्रस सोसाईटी काभ्रे शाखाको सहयोेग तथा नमोबुद्ध नगरपालिकाको समन्वयनमा भकुण्डेबेशीको माथिल्लो चोकमा रक्तदान कार्यक्रम सम्पन्न भएको हो । रक्तदान कार्यक्रमको जय श्री चामुण्डा सप्लायर्स भकुण्डे काभ्रे, उपहार कृषि फर्म नमोबुद्ध–३ र नमोबुद्ध डेली फ्रेस भकुण्डेले प्रायोजन गरेका थिए ।
कार्यक्रमलाई सम्बोधन गर्नुहुदै नगर प्रमुख लामाले सहकारीले गरेको यसप्रकारको उदाहरणीय कार्यप्रति धन्यबाद ज्ञापन गर्नुभएको छ । उहाँले रगतको अभावमा कसैकोे अकालमैै मृत्यु हुन नदिन नियमित रुपमा रक्तदान गनुुपर्ने कुराका जोड दिनुभयो । धर्म गर्न मठमन्दिर धाउन नपर्ने बताउनुहुदै उहाँले जस्ले रक्तदान गरेर मानिसको जिवन बचाउछ उ नै भगवान सावित हुने बताउनुभयो । समय समयमा रक्तदान गर्ने ब्यक्ति स्वस्थ रहने भएकाले रक्तदान कार्यमा सहभागि हुन सम्पुर्णलाई अनुरोध समेत गर्नुभयो ।
कार्यक्रमममा नमोबुद्ध–७ का वडा अध्यक्ष धर्मसिं लामा, प्रहरीहरु, जनप्रतिनिधीहरु, स्थानीयहरु लगायतयत ४० जनाले रक्तदान गरेका छन् । संकलन भएको ४० पाउन्ड रगत नेपाल रेडक्रस सोसाईटी बनेपा शाखामा पठाईने सहकारी सञ्चालक समितिका सदस्य सन्तोस कुमार दाहालले जानकारी दिनुभयो ।
कार्यक्रममा नमोबुद्ध नगरपालिकाका उपप्रमुख रत्न लामा, प्रमुख प्रशासकिय अधिकृत शेसकान्त पौडेल, नेपाल रेडक्रस सोसाईटी काभ्रे शाखाका रघुनाथ हुमागाई, रक्तसंचार प्रमुख राधा थापा, राजु सिग्देल, नमोबुद्ध नगरका स्वास्थ्य शाखा प्रमुख सुनिल केसी , सहकारीका अध्यक्ष देबराज शाह र प्रतिनिधिहरु, बिभिन्न संस्थाका प्रतिनिधिहरु, समाजसेवी लगायत स्थानीयहरुको सहभागिता रहेको थियो । रक्तदानमा सहभागि रक्तदाताहरुलाई सहकारी संस्थाका अध्यक्ष देबराज शाहले प्रमाणपत्र वितरण गर्नुभएको छ ।
