काभ्रे,
इलाका प्रहरी कार्यालय मंगलटारका प्रमुख कृष्ण गिरी “उत्कृष्ट अनुसन्धानकर्ता पुरस्कार” बाट सम्मानित हुनुभएको छ । ६९ औँ प्रहरी दिवस २०८१ को अवसरमा बागमती प्रदेश प्रहरी कार्यालय, हेटौँडामा आयोजित विशेष समारोहमा अपराध अनुसन्धानको क्षेत्रमा पुर्याउनु भएको उल्लेखनीय योगदानको उच्च मूल्याङ्कन गर्दै बागमती प्रदेशका मुख्य मन्त्री बहादुर सिंह लामाले गिरीलाई “उत्कृष्ट अनुसन्धानकर्ता पुरस्कार” प्रदान गर्नुभएको हो ।
यसका साथै प्रमुख प्रहरी निरीक्षक गिरीले असोज १०,११ र १२ गतेको अविरल वर्षासँगै आएको बाढि पहिरोमा जिल्लाको विपद व्यवस्थापनको क्षेत्रमा अहोरात्र खटिनुभएको थियो ।
बिपि राजमार्गमा अलपत्र परेका हजारौ यात्रु तथा सवारि साधनहरुको सकुशल उद्दार गर्दे समग्र बिपद व्यावस्थापनमा उहाँले महत्वपुर्ण योगदान पुर्याउनुभएको थियो ।
