काभ्रे,
जिल्ला प्रहरी कार्यालय काभ्रेका प्रमुख एसपी बसुन्धरा खड्का उत्कृष्ट विपद व्यवस्थापक पुरस्कारबाट सम्मानित हुनुभएको छ ।
बागमती प्रदेश प्रहरी कार्यालय, हेटौँडामा आयोजित ६९ औं प्रहरी दिवस २०८१ को विशेष समारोहमा बागमती प्रदेशका मुख्यमन्त्री बहादुर सिंह लामा तामाङले एसपि खड्कालाई पुरस्कारसहित कदर पत्र प्रदान गर्नुभएको हो । एसपी खड्काले असोज १०, ११ र १२ गतेको भिषण वर्षासँगै काभ्रेपलाञ्चोक जिल्लामा आएको बाढी र पहिरोपछिको खोज तथा उद्धारमा पुर्याउनुभएको योगदानको मूल्याङ्कन गर्दै सम्मान गरिएको हो ।
यसैबीच इलाका प्रहरी कार्यालय मंगलटारका प्रमुख प्रहरी निरीक्षक कृष्ण गिरी उत्कृष्ट अनुसन्धानकर्ता पुरस्कारबाट सम्मानित हुनुभएको छ ।
