यश कुमार परियार–फागुन २३,
२०७७,काभ्रे/

देशभर कोरोना विरुद्धको दोस्रो चरणको खोप अभियान सुरु भएको छ । यसपाली ६५ वर्षमाथिका नागरिकलाई कोरोना खोप लगाइँदै छ । दोस्रो चरणको खोप अभियान सुरु भएको पहिलो दिन काभ्रे जिल्लाका १३ स्थानिय तहका १७ सय ४२ जनाले खोप लगाएका छन् ।

स्वास्थ्य कार्यलय काभ्रेले उपलब्ध गराएको विवरण अनुसार काभ्रेको बनेपा नगरपालिकामा १ सय ४६, धुलिखेल नगरपालिकामा १ सय २०, पनौती नगरपालिकामा १ सय ९७, पाँचखाल नगरपालिकामा ४ सय ३१, नमोबुद्ध नगरपालिकामा १ सय १० र मण्डनदेउपुर नगरपालिकामा १ सय ९ जनाले खोप लगाएका छन् ।

यस्तै रोशी गाउँपालिकामा १ सय २०, बेथानचोक गाउँपालिकामा ६३, भुम्लु गाउँपालिकामा १ सय २०, तेमाल गाउँपालिकामा १ सय १९, महाभारत गाउँपलिकामा ६०, चौरीदेउराली गाउँपालिकामा १ सय ४० र खानीखोला गाउँपालिकामा ७ जनाले खोप लगाएका छन् ।

सरकारले यसअघि ५५ वर्षमाथिका नागरिक, विद्यालयका शिक्षक, सार्वजनिक यातायातमा काम गर्ने चालक र सहचालकलाई कोरोनाविरुद्धको खोप लगाउने घोषणा गरेको भएपनि खोप अभावका कारण ६५ वर्ष माथिका जेष्ठ नागरिकलाई प्राथमिकतामा राखिएको हो ।

Facebook Comments Box