काभ्रे,
खानेपानीमन्त्री प्रदीप यादवले काभ्रे जिल्लामा बाढीले क्षति पु¥याएका खानेपानी संरचनाको फास्ट ट्र्याकमा काम गरिने बताउनुभएको छ । गएको असोज १० देखि १२ गते सम्मको अविरल वर्षासँगै आएको बाढी पहिरोका कारण काभ्रेका विभिन्न खानेपानी मुहान संरचनामा भएको क्षतिको जानकारी लिन मन्त्री यादव आज स्थलगत अवलोकनमा पुग्नुभएको थियो । सोही क्रममा मन्त्री यादवले मन्त्रालय मातहतका संरचनाको काम तुरुन्तै सुचारु गरिने बताउनुभएको हो । अन्य विषयतगका कामहरु आवश्यक प्रक्रिया पूरा गरेर अगाडि बढाउँने उहाँले बताउनुभयो ।
रोशी खोला लगायतको बाढीले पनौती, बनेपा र धुलिखेल नगरपालिका लगायत काभे्र जिल्लाका बिभिन्न ठाँउमा क्षति गरेका खानेपानी मन्त्रालय अन्तरगत विभागका सबै संरचनाको काम फाष्ट ट्र्याकबाट गरिने उहाँले भन्नुभयो ।
मन्त्री यादवले पनौती लगायतका क्षेत्रमा अस्थायी रुपमा अहिले पानी आइरहेको भएपनि त्यो अस्थायीमात्रै भएको र फेरी वर्षा हुँदा बाढीले बगाउने भएकाले त्यसको स्थायी तथा दीर्घकालीन रुपमा समस्या समाधानका लागि योजना तयार गर्ने पनि बताउनुभयो ।
