फागुन २९,
२०७७,काभ्रे/
जिल्लामा आज ११ सय ६३ जना जेष्ठ नागरिकले कोरोना विरुद्धको खोप लगाएका छन् ।
जिल्ला स्वास्थ्य कार्यालय काभ्रेका अनुसार खोप लगाउनेमा ५ सय ७९ महिला र ५ सय ८४ जना पुरुष थिए । दोस्रो चरणको खोप अभियान अन्तर्गत जिल्लाका १३ स्थानिय तहमा ६५ वर्षमाथिका ११ सय ६३ जना बृद्ध–बृद्धा नागरिकले खोप लगाएका हुन् । जसमध्ये काभ्रेको बनेपा नगरपालिकामा २ सय ९०, पनौती नगरपालिकामा १ सय ६०, नमोबुद्ध नगरपालिकामा ३ सय १३, रोशी गाउँपालिकामा ४९, भुम्लु गाउँपालिकामा ७५, तेमाल गाउँपालिकामा १ सय, चौरीदेउराली गाउँपालिकामा ६० र खानीखोला गाउँपालिकामा १ सय १६ जना जेष्ठ नागरिकले आज कोरोना विरुद्धको खोप लगाएका छन् ।
त्यस्तै काभ्रेमा आज दुई जनामा कोरोना संक्रमण पुष्टि भएको छ । जिल्ला स्वास्थ्य कार्यालय काभ्रेका अनुसार आज थपिएका नयाँ संक्रमित बनेपा र मण्डनदेउपुर नगरपालिका हुन् । योसँगै जिल्लामा कोरोना संक्रमितको संख्या ३३ सय ७० पुगेको कार्यालयका प्रमुख डा.नरेन्द्र कुमार झाले जनाकारी दिए । उनका अनुसार काभ्रेमा अहिले ५ जना महिला र १५ जना पुरुष गरी २० जना सक्रिय संक्रमित रहेका छन् । काभ्रेमा ४५ जनाको कोरोनाबाट मृत्यु भईसकेको छ ।
