काभ्रे,
चिसो मौसम सुरु भएसँगै आगलागीका घटना बढ्ने भएकाले सावधानी अपनाउन विज्ञहरुले सुझाव दिएका छन् । खाना पकाइसकेपछि र कोठाभित्र बस्दा सावधानी अपनाउन विज्ञले सुझाव दिएका हुन् । खासगरी शहरी क्षेत्रमा खाना पकाइसकेपछि राम्रोसँग ग्यासको रेगुलेटर बन्द नगर्ने तथा विद्युतीय उपकरणको प्रयोग एकैपटक गर्दा आगलागीका घटना हुने गरेको छ ।
यस्तै ग्रामिण भेगमा खाना पकाइसकेपछि राम्रोसँग आगो ननिभाउँदा तथा चिसोबाट बच्न बालिने कोइला, हिटर लगायतका उपकरणमा सावधानी नअपनाउँदा आगो लाग्ने भएकाले सतर्कता अपनाउन विज्ञले सुझाव दिएका हुन् ।
