चैत्र २४,
२०७७,काभ्रे/
बनेपा नगरपालिका–८ बस्ने रामेछाप दोरम्बा गाउँपालिका–६ घर भएकी पुर्णकला भन्ने पुजा दमाईको हत्या आरोपमा एक जनालाई प्रहरीले उक्राउ गरेको छ । उक्राउ पर्नेमा काभ्रे रोशी गाउँपालिका–४ घर भई भक्तपुर सूर्यविनायक नगरपालिका–८ सिपाडोल डेरा गरी बस्ने रोशन भन्ने २२ वर्षीय बिजय तामाङ रहेका छन् । उनलाई सोमबार राती सिपाडोलस्थित कोेठाबाट पक्राउ गरी आज (मंगलबार) सार्वजनिक गरिएको जिल्ला प्रहरी कार्यलयले जनाएको छ ।
पुर्णकला भन्ने पुजा दमाई आईतबार सडकमा मृत अवस्थामा भेटिएकी थिईन् । घटनाको अनुसन्धानको क्रममा पूजाले बिजयलाई चोरीको आरोप लगाएको र रिसको झोकमा अत्याधिक मदिरा सेवन गरेकी पूजालाई कन्चट, छाती लगायत शरीरका विभिन्न संवेदनशिल अङ्गहरुमा प्रहार गरी बनेपा बसपार्कको सडक पेटीमा हत्या गरिएकोे प्रारम्भिक अनुसन्धानले देखाएको प्रहरीले जनाएको छ ।
Facebook Comments Box
