काभ्रे,रेडियो रोशी,
काभ्रे जिल्लाको रोशी गाउँपालिकामा सुरक्षित कार्यस्थल, लैङ्गिक हिंसा तथा जातिय छुवाछुत सम्बन्धी अन्तरक्रिया गरीएको छ । हिजो बुधवार गाउँपालिका अध्यक्ष दिनेस लामाको प्रमुख आतिथ्यता तथा उपाध्यक्ष मिम बहादुर वाईबा (ज्वाला) को अध्यक्षतामा संघीय मामिला तथा सामान्य प्रशासन मन्त्रालयको आयोजना र रोशी गाउँपालिकाको समन्वय एवं सहकार्यमा सुरक्षित कार्यस्थल, लैङ्गिक हिंसा तथा जातिय छुवाछुत सम्बन्धी विषयमा अन्तरक्रिया गरीएको हो ।
सुरक्षित कार्यस्थल भन्नाले जहाँ काम गर्ने स्थलमा व्यक्तिहरू कुनै पनि प्रकारको खतरा वा जोखिमबाट मुक्त रहनु भन्ने रहेको छ । यसमा शारीरिक, मानसिक, र भावनात्मक सुरक्षाका साथै स्वास्थ्यकर वातावरण पनि पर्दछन । त्यसैगरी लैङ्गिक पहिचानको आधारमा गरिने हिंसालाई निवारण गर्ने र व्यक्तिलाई उसको जातको आधारमा गरिने भेदभावको अन्त्य गर्ने बिषयमा अन्तरक्रिया गरीएको हो ।
कार्यक्रममा गाउँपालिकाका प्रमुख प्रसाशकीय अधिकृत शिव प्रसाद भन्तना, संघीय मामिला तथा सामान्य प्रशासन मन्त्रालयको सामाजिक समावेसी शाखाका उपसचिव बिष्णु कुमारी भुसाल र शाखा अधिकृत दिपेन्द्र पाण्डे लगायतको टिम, महिला कार्यपालिका सदस्यहरु, पालिकाका महिला कर्मचारीहरु, बिभिन्न शाखाका शाखा प्रमुखहरु लगायतको सहभागिता रहेको थियो ।
