काभ्रे,रेडियो रोशी,
काभ्रे जिल्लाको तेमाल गाउँपालिकामा प्रथम खुल्ला अध्यक्ष कप भलिबल प्रतियोगिता हुने भएको छ । तेमाल गाउँपालिका खेलकुद विकास समितिको आयोजनामा यहि फागुन ७ गतेदेखि १० गतेसम्म गाउँपालिकाको पोखरी नारायणस्थान खेल मैदानमा प्रतियोगिता हुने भएको हो ।
संविधान सभा सदस्य तथा बागमती प्रदेश सरकारका पूर्व खानेपानी, उर्जा तथा सिंचाई मन्त्री एवं बागमती प्रदेश सभा सदस्य तीर्थ लामाको प्रमुख आतिथ्यतामा बिहान ११ बजे प्रतियोगिताको उद्घाटन गरिने तय भएको छ ।
प्रतियोगितामा प्रथम हुने टिमले पुरस्कार नगद एक लाख पच्चीस हजार, कप, शिल्ड, मेडल र प्रमाणपत्र पाउने भएका छन् ।
त्यसैगरी द्वितीय हुने टिमले नगद पचहत्तर हजार, कप शिल्ड, मेडल, प्रमाणपत्र, तृतीय हुने टिमले नगद पचास हजार, कप शिल्ड, मेडल र प्रमाणपत्र पाउने भएका छन् । त्यसैगरी चौथो हुने टिमले नगद पच्चीस हजार, मेडल र प्रमाणपत्र पाउने आयोजकले जनाएको छ ।
उद्घाटन समारोहमा सम्पूर्ण खेलप्रेमी, खेलाडी, जनप्रतिनिधि, समाजसेवी, बुद्धिजिवी, सुरक्षकर्मी पत्रकार, विभिन्न संघ संस्थाका प्रतिनिधिहरुमा उपस्थितिको लागि गाउँपालिकाले अनुरोध गरेको छ ।
