काभ्रे,
राष्ट्रिय प्राकृतिक स्रोत तथा वित्त आयोगले स्थानीय तहहरूको कार्यसम्पादन मूल्यांकनको नतिजा सार्वजनिक गरेको छ । स्थानीय तहहरूको कार्यसम्पादन मूल्यांकनमा काभ्रे जिल्लामा रोशी गाउँपालिका जिल्लाभरीमा तेस्रो र गाउँपालिका मध्यमा पहिलो बनेको छ । वित्त आयोगले आर्थिक वर्ष ०८०÷८१ को स्थानीय तहको कार्य सम्पादन मूल्यांकन नतिजा माघ ३० गते सार्वजनिक गरेको थियो ।
नतिजा अनुसार काभ्रे जिल्लाको १३ स्थानीय तहमध्ये बनेपा नगरपालिकाले सबैभन्दा बढी अंक प्राप्त गरेर जिल्लामा पहिलो भएको छ । बनेपा नगरपालिकाले ७८ अंक प्राप्त गरेको छ । त्यसरी नै पनौती नगरपालिकाले ७३ अंक प्राप्त गरि दोस्रो स्थान हासिल गरेको छ ।
त्यसैगरी विभिन्न १७ सूचकका आधारमा गरिएको मूल्यांकनमा रोशी गाउँपालिका काभ्रे जिल्लाभरीमै तेस्रो र गाउँपालिका मध्यमा पहिलो भएको छ । रोशी गाउँपालिकाले ७० दशमलव १ अंक प्राप्त गरेको छ ।
त्यसरी नै धुलिखेल नगरपालिकाले ६९.३ अंक, खानिखोला गाउँपालिकाले ६२.३ अंक, महाभारत गाउँपालिकाले ६१.१ अंक, बेथानचोक गाउँपालिकाले ६०.९ अंक, मण्डनदेउपुर नगरपालिकाले ५७.७ अंक, पाँचखाल नगरपालिकाले ५७.६ अंक, नमोबुद्ध नगरपालिकाले ५६.३ अंक, भूम्लु गाउँपालिकाले ५५.४ अंक, तेमाल गाउँपालिकाले ५३.१ अंक र चौरीदेउराली गाउँपालिकाले ५२.९ अंक प्राप्त गरेका थिए ।
प्रदेश तथा स्थानीय तहको कार्यसम्पादन मुल्याङ्कन कार्यविधि, २०७८ को दफा ७ को अधिनमा रही प्रदेश तथा स्थानीय तहको लागि निर्धारण गरिएका कार्यसम्पादन सूचकको मुल्याङ्कन गरी अङ्क प्रदान गरिएको आयोगले जनाएको छ ।
