काभ्रे,
तेमाल गाउँपालिका वडा नं. २ को वडा कार्यालय भवन उद्घाटनको अवसरमा २७० जना जेष्ठ नागरिकरूलाई सम्मान गरीएको छ । हिजो (विहिबार) प्रतिनिधि सभा सदस्य तथा पूर्व ऊर्जा राज्य मन्त्री सुर्यमान दोङ (लालध्वज) को प्रमुख आतिथ्यतामा वडा कार्यालय भवनको उद्घाटन गरीएको थियो।
वडा कार्यालय भवन उद्घाटन कार्यक्रममा ६८ वर्ष उमेर माथिका २७० जना जेष्ठ नागरिकरूलाई सम्मान गरिएको थियो । प्रमुख अतिथि दोङ, विशिष्ट अतिथिहरू गाउँपालिका अध्यक्ष तामाङ र उपाध्यक्ष थोकरले जेष्ठ नागरिकहरूलाई दोसल्ला ओढाएर सम्मान गरेका थिए ।
कार्यक्रममा बोल्नुहुदै वडा अध्यक्ष देवराज तामाङले कार्यक्रम सम्पन्न गर्न सहयोग गरेकोमा प्रमुख आतिथ्य दोङ र विशिष्ट अतिथिहरू गाउँपालिका अध्यक्ष र उपाध्यक्ष लगायत उपस्थित सम्पुर्णमा धन्यवाद ज्ञापन गर्नुभएको थियो । वडा कार्यालय भवनको उद्घाटनले यस क्षेत्रको प्रशासनिक कार्यसम्पादनलाई थप सजिलो र प्रभावकारी बनाउन सहज हुने बिश्वास लिईएको छ ।
प्रतिनिधि सभा सदस्य तथा पूर्व ऊर्जा राज्य मन्त्री सुर्यमान दोङ (लालध्वज) को प्रमुख आतिथ्यतामा भएको कार्यक्रममा पूर्व वडा अध्यक्ष तेमालसिं तामाङ, पत्रकार, शिक्षक, कलाकार, विद्यार्थी, समाजसेवी ब्यक्तित्व लगायतको सहभागिता रहेको थियो ।
