काभ्रे,
रोशी गाउँपालिका वडा न ११ कालढुङ्गामा सञ्चालन भएको एक दिने निःशुल्क आँखा शिविरबाट २१५ जना लाभान्वित भएका छन् । “स्वस्थ आँखा, शुन्दर संसार” भन्ने नाराका साथ सोमबार रोटरी क्लव अफ धुलिखेल र अस्ट्रेलियाको रोटरी क्लवहरुको प्राविधिक सहयोग तथा रोशी गाउँपालिका वडा न ११ को व्यवस्थापनमा कालढुङ्गा स्थित शान्तिबुद्ध आधारभूत विद्यालयमा शिविर सञ्चालन भएको थियो । शिविरमा वडा न ९, १०, ११ र १२ का स्थानीय समेत आएका थिए ।
शिविरमा तीन जनामा मोतियाविन्दुको पहिचान भएको छ । मोतियाविन्दु पहिचान भएका बिरामीहरुलाई बनेपा लगेर निःशुल्क शल्यक्रिया गरिने आयोजकले जनाएका छन् । शिविरमा आँखाका रोगिहरुलाई निःशुल्क चस्मा र औषधि समेत प्रदान गरीएको थियो ।
