काभ्रे,
खाना पकाउने एलपी ग्यासमा सरकार र आन्दोलनरत ग्यास उद्योगीबीच कमिसन बढाउने सहमति भए पनि उपभोक्ताका लागि भने भाउ यथावत् नै रहेको छ । हिजो उद्योग,वाणिज्य तथा आपूर्ति मन्त्रालयका सचिव गोविन्दबहादुर कार्की, नेपाल आयल निगमका कार्यकारी निर्देशक चण्डिका भट्ट, नेपाल एलपी ग्यास उद्योग सङ्घका पदाधिकारीबीच भएको वार्तामा प्रतिसिलिन्डरमा १२ रुपैयाँ ७५ पैसा कमिसन बढाउने सहमति भएको थियो ।
उद्योगीको कमिसन बढाएको मूल्यबाट उपभोक्तालाई भने कुनैपनि भार नपर्ने नेपाल आयल निगमले जनाएको छ । निगमका प्रवक्ता मनोजकुमार ठाकुरले बजारमा ग्यासको उपभोक्ता मूल्य १ हजार ९ सय १० रुपैयाँ कायम रहने छ । सरकारसँग कमिसन बढाउनेसहित पाँच बुँदे सहमति भएपछि ग्यास उद्योगीले आन्दोलन स्थगित गरेका छन् ।
