काभ्रे,
रोशी उद्योग वाणिज्य संघको समन्वयमा लायन्स क्लव अफ अन्तरास्ट्रिय डिस्ट्रीक्ट फेलोसिप ३२५ एफले रोशी–११ स्थित सत्यकाली बिद्यालयका विद्यार्थीलाई ट्र्याकसुट र शैक्षिक सामग्री वितरण गरेको छ । शनिबार क्लव र संघका प्रतिनिधिहरु विद्यालयमै पुगेर ३३ जना विद्यार्थीहरुलाइ सामग्री वितरण गरेका हुन् । वडाध्यक्ष लालकुमार पख्रीनको प्रमुख आतिथ्यतामा क्लवले विद्यार्थीहरुलाई सामग्री वितरण गरेका थियो । क्लवले स्कुल झोला, ट्र्याकसुट सेट, स्वास्थ्य तथा सिकाइ सामग्री, पानी पिउने बोतल, सोफा चकटी र विभिन्न खेलौना सामग्री वितरण गरेको हो ।
वडाध्यक्ष लालकुमार पाख्रीनले सहयोगको लागि पहल गर्ने उद्योग वाणिज्य संघ र सहयोग गर्ने लायन्स क्लवलाइ धन्यवाद व्यक्त गर्नुभएको छ । लायन्स क्लवले यस अघि पनि रोशीको विभिन्न विद्यालयमा सहयोग गर्दै आएको छ ।कार्यक्रममा नेपाली काङ्ग्रेस रोशी गाउँ कार्यसमितिका सभापति तथा पूर्व वडाध्यक्ष दुधराज तामाङ, संघका उपाध्यक्ष पदाधिकारीहरु, शिक्षक, बिद्यार्थी लगायत अभिभावकहरुको उपस्थिति रहेको थियो ।
