काभ्रे,रेडियो रोशी,
काभ्रे जिलाको नमोबुद्द नगरपालिका वडा नं.४ स्थित जनक मा वि मा नेपालका सातै प्रदेशका रग्वी खेलाडिहरुलाई नेतृत्व बिकास सम्बन्धी दुई दिवसीय तालिम सम्पन्न भएको छ । विश्व महिला रग्बीको पहल, Child Fund Rugby को सहयोगमा Grassroots to Global Women Leadership Forums २०२५’ नेपाल रग्वी संघ र नमोबुद्ध नगरपालिका को सहकार्यमा आयोजित २ दिने कार्यशालाको हिजो नमोबुद्ध नगरपालिकाका नगर प्रमुख कुन्साङ लामाले औपचारिक रुपमा उद्घाटन गर्नुभएको थियो । सहभागि खेलाडिहरुलाई नेपाल रग्बी संघका बोर्ड सदस्य कामना गिरीले प्रशिक्षण दिनुभएको थियो ।
सातै प्रदेशका ४० जना खेलाडिहरुलाई दोस्रो चरणमा नेतृत्व बिकास सम्बन्धी प्रशिक्षण दिइएको नेपाल रग्बी संघका महिला बिभाग प्रमुख तथा कार्यक्रमका फोकल पर्सन एलिशा थापाले जानकारी दिनुभयो । पहिलो पल्ट २०२२ मा पोखरामा ४५ जना खेलाडिहरुलाई नेतृत्व बिकास सम्बन्धी प्रशिक्षण दिईएको उहाँको भनाई छ । खेलाडिहरुलाई खेल सङसङै उनिहरुको नेतृत्व बिकास गर्ने उदेश्यले कार्यक्रमको आयोजना गरिएको उहाँको भनाइ छ । यो तालिमले खेलाडीहरूको व्यक्तिगत र खेल जीवनमा सकारात्मक प्रभाव पार्ने उहाले अपेक्षा गर्नुभएको छ ।
कार्यक्रममा लिडरसीप म्याप मेकिङ, सहभागि खेलाडिहरुको अनुभव तथा खेल क्षेत्रमा लागेका महिलाहरुको अवसर र चुनौतिहरु लगायतका बिषयमा छलफल गरीएको थियो ।
यस प्रशिक्षणमा सहभागि मध्येबाट उत्कृस्ट एक खेलाडिलाई अन्तर्राष्ट्रिय स्तरको रग्वी खेलमा समावेस गराईने बताईएको छ । प्रशिक्षणमा सहभागि खेलाडिहरुलाई नेपाल रग्बी संघका बरिष्ठ उपाध्यक्ष चेतनराज गिरीले प्रमाणपत्र प्रदान गर्नुभएको छ । समापन कार्यक्रममा नेपाल रग्वी संघका महासचिव गोबिन्द घिमिरे तथा नेपाल रग्बी संघका टिम बिद्यालयका शिक्षक लगायतको सहभागिता रहेको थियो ।
