काभ्रे,
नमोबुद्ध नगरपालिका वडा नं. ६ चौकीडाँडा स्थित एक घरमा मध्यराती आगलागी भएको छ । पूर्णकुमार श्रेष्ठको ढुंगामाटोले बनेको टाईलको छानो भएको दुई तल्ले घरमा आगलागी भएर पूर्णरुपले क्षती भएको हो ।
इलाका प्रहरी कार्यालय मंगलटारका प्रमुख प्रहरी निरिक्षक कृष्ण गिरीका अनुसार शनिबार राती करिब ११ः४५ बजे कच्ची दुई तल्ले घरमा आगलागी भएको हो । घटनास्थलमा प्रहरी नायव निरिक्षक बुद्धिबहादुर खड्काको कमाण्डमा प्रहरी खटी आगलागी नियन्त्रणमा लिएको गिरीले जानकारी दिनुभयो । घरमा रहेको समानसहित घर पूर्णरुपले क्षती भएको उहाँकोे भनाई छ । घरमा कोही नभएको अवस्थामा घरमा आगलागी भएको स्थानीय पुस्कर न्यौपानेले जानकारी दिएका छन् ।
